صوره للشهيد عصام عطا
هو
بالنسبة لينا كلنا إسم مواطن مصري مانعرفش عنه قبل شهر 10
سنة 2011 أي حاجة، ولا كمان هو كان يتوقع إننا نعرف عنه حاجه،عصام من فقراء هذا
الوطن عصام مُهمش
كملايين غيره لاندري عنهم شيئ.
بعد التاريخ السابق ذكره "عصام"
مابقاش موجود في دنيتنا "قتلته"
الداخلية كعادتها مارست هوايتها الدموية في قتل "الفقراء" وزي ما يكونوا شايفين إنهم لازم يقتلوا منهم اكبر عدد
ممكن زي ما يكون
قتلهم شيئ طبيعي زي ما يكونوا في حرب معاهم.
حظ عصام حلو إنه استُشهد في وقت الداخلية كل العيون عليها وكلنا منتظرين
لهم غلطة وحصلت الغلطة وكان عصام أول غلطة ليهم بعد الثورة أول شهيد وضحية في سجون الداخلية وأول
ضحية للعسكر ومحاكماتهم
الإستعمارية، اتعرفت حكاية عصام وحاولنا على قد ما نقدر
إنه ميبقاش "خالد سعيد" جديد حاولنا نوقف حملة
التشويه اللي اتعرض لها .
أخوه
ومحاميينه ومركز النديم عملُوا كل اللي ممكن يتعمل علشان حق عصام مايروحش علشان عصام ماتبقاش صورته في نظر الناس والمجتمع على إنه بلطجي وقتله حلال كعادة مجتمعنا _المتدين بالفطرة!!_ وقدروا فعلاً يعملوا
ده وقدروا يوصلوا للناس الحقيقة، عصام عطا شهيد المحاكمات العسكرية مش بلطجي, عصام بس مالوش ضهر عصام زي 60
مليون مصري ممكن يتقتلوا أو
يتحبسوا أو يتسحلوا وكل ذنبهم إنهم من فقراء المحروسة ،،
كام
واحد بعد عصام الداخلية قتلته؟ كام واحد بعد عصام اتسجن
ظلم واتلفقتله قضية؟ كام واحد بعد عصام اتعذب واتعلق جوه الأقسام وفي السجون؟ كتير ولسه
غيرهم كتير مستنين دورهم
في اختيار نهاية لحياتهم اللي هما أصلاً مجبرين عليها
وعايشينها بالزق.
فقراء
هذا البلد جنسيتهم مكتوبة غلط في البطاقة إزاي إنتمائهم
هيكون لبلد بتعاملهم
على إنهم كمالة عدد ولما السُلطة بتقرر إن دورهم خلص بتطلعهم من اللعبة.
السُلطة
تمارس على الفقراء دور "الإله" ،، أي إله يرضي
لرعيته تلك المذلة والمهانه؟ أفيقوا يا فقراء هذا الوطن فإن الآلهة المقيمين معنا على ظهر هذا
الكوكب طوال
الوقت كاذبون فـ في أوطانٍ أخرى "الفقراء يعيشون أحياناً"
المجد للشهداء
المجد والثورة من الفقراء
